மேம்பால பணிகளை முன்னிட்டு உதகமண்டலம்-குன்னூர் செல்லும் ரயில் ரத்து

சென்னை: மேம்பால பணிகள் காரணமாக குன்னூர்-உதகமண்டலம், உதகமண்டலம்-குன்னூர் ரயில்கள் ரத்து செய்யப்பட்டுள்ளன.

இது குறித்து தெற்கு ரயில்வே வெளியிட்டுள்ள செய்தி குறிப்பு:

வில்லிங்டன், அரவங்காடு ஆகிய 2 ரயில் நிலையங்களுக்கு இடையே புதிய மேம்பால பணிகள் இன்றும், நாளையும் நடக்கிறது.

இதனால், குன்னூர்-உதகமண்டலம், உதகமண்டலம்-குன்னூர் செல்லும் பயணிகள் ரயில்களின் இயக்கம் ரத்து செய்யப்பட்டுள்ளது.

இதுமட்டுமின்றி, மேட்டுப்பாளையத்தில் இருந்து உதகமண்டலத்திற்கும், உதகமண்டலத்தில் இருந்து மேட்டுப்பாளையத்திற்கும் செல்லும் பயணிகள் ரயில்களின் இயக்கம் உதகமண்டலத்திற்கும், குன்னூருக்கும் இடையே ரத்து செய்யப்பட்டுள்ளது என்று அதில் தெரிவிக்கப்பட்டுள்ளது.