For Daily Alerts
Just In
30,000 பேருடன் ஸ்டாலின் முன்னிலையில் திமுகவில் இணைந்தார் அழகு திருநாவுக்கரசு
மன்னார்குடி: 30 ஆயிரம் தொண்டர்களுடன் தன்னை திமுகவில் ஐக்கியப்படுத்திக் கொண்டார் முன்னாள் அதிமுக அமைச்சர் அழகு திருநாவுக்கரசு.
சமீபத்தில் அதிமுகவிலிருந்து விலகிய அழகு திருநாவுக்கரசு முதல்வர் கருணாநிதியை சந்தித்தார். தனது ஆதரவாளர்களுடன் ஜூலை 27ம் தேதி திமுகவில் இணையப் போவதாக கூறியிருந்தார்.
அதன்படி மன்னார்குடியில் நடந்த நிகழ்ச்சியில் துணை முதல்வர் மு.க.ஸ்டாலின் முன்னிலையில் திமுகவில் தன்னை இணைத்துக் கொண்டார்.
அவருடன் தஞ்சை, திருவாரூர், நாகை மாவட்டங்களைச் சேர்ந்த அதிமுக உள்ளிட்ட பல்வேறு கட்சிகளைச் சேர்ந்த சுமார் 30,000 பேர் திமுகவில் இணைந்தனர்.
இதில் அதிமுக முன்னாள் எம்எல்ஏக்கள் மன்னார்குடி ஞானசுந்தரம், எம்.எஸ்.மாணிக்கம், எம்.தங்கமணி, து.மூர்த்தி, பாஜக மாநில வர்த்தக அணிச் செயலாளர் சி.ஞானசுந்தரம் ஆகியோர் இதில் முக்கியமானவர்கள்.
Story first published: Tuesday, July 27, 2010, 9:34 [IST]