தமிழக தலைமை தகவல் ஆணையர் பதவிக்கு ஸ்ரீபதி நியமிக்கப்படலாம்

சென்னை: தமிழக தலைமை தகவல் ஆணையர் பதவிக்கு தலைமைச் செயலாளர் கே.எஸ்.ஸ்ரீபதி நியமிக்கப்படலாம் எனத் தெரிகிறது.

தற்போது தலைமை தகவல் ஆணையராக இருக்கும் எஸ்.ராமகிருஷ்ணன் இந்த மாத கடைசியில் ஓய்வு பெறுகிறார். இதையடுத்து அவரது இடத்தில் ஸ்ரீபதி நியமிக்கப்படக் கூடும் என எதிர்பார்க்கப்படுகிறது.

அப்படி அவர் நியமிக்கப்பட்டால் புதிய தலைமைச் செயலாளராக எஸ்.மாலதி நியமிக்கப்படலாம். மாலதி தற்போது கண்காணிப்பு ஆணையர் மற்றும் நிர்வாக சீர்திருத்த ஆணையராக செயல்பட்டு வருகிறார்.

ஏப்ரல் 30ம் தேதியுடன் ஸ்ரீபதியின் பதவிக்காலம் முடிவடைந்து விட்டது.இருப்பினும் உலகத் தமிழ் செம்மொழி மாநாட்டை கருத்தில் கொண்டு அவருக்கு தமிழக அரசு பதவி நீடிப்பு வழங்கியிருந்தது என்பது நினைவிருக்கலாம்.