தமிழ் வழி பி.இ.: சிவில் பிரிவில் 1 இடம், மெக்கானிக்கலில் 9 இடம் மட்டுமே காலி!

சென்னை: பொறியியல் படிப்பிற்கான கலந்தாய்வு சென்னை அண்ணா பல்கலைக்கழகத்தில் நடந்து கொண்டிருக்கிறது. இந்த கலந்தாய்வில் ஏராளமான மாணவர்கள் கலந்து கொண்டபோதிலும் பல பொறியியல் கல்லூரிகள் காலியாக, காற்று வாங்கிக் கொண்டுள்ளன.

இந்நிலையில் பள்ளியில் தமிழ் வழிக் கல்வி கற்ற பல மாணவர்கள் தமிழ் வழிப் பொறியியல் கலந்தாய்விற்கு விண்ணப்பித்திருந்தனர். தற்போது தமிழ் வழி பொறியியல் படிப்புகளில் சிவில் பிரிவில் ஒரே ஒரு இடம் தான் காலியாக உள்ளது.

கோவை உலகத் தமிழ்ச் செம்மொழி மாநாட்டில் பொறியியல் படிப்புகளில் மெக்கானிக்கல் மற்றும் சிவில் பிரிவுகளுக்கு தமிழ் வழி கற்றல் முறை அறிமுகம் செய்யப்படும் என அறிவிக்கப்பட்டது. அந்த அறிவிப்புக்கேற்ப அவை செயல்படுத்தப்பட்டன. மெக்கானிக்கல் பிரிவுக்கு 706 இடங்களும், சிவில் பிரிவுக்கு 655 இடங்களும் தமிழ் வழிக்கு ஒதுக்கப்பட்டன.

நேற்றைய நிலவரப்படி மெக்கானிக்கல் பிரிவில் 697 இடங்கள் நிரம்பியுள்ளன. 9 இடங்கள் மட்டும் தான் காலியாக உள்ளன. சிவில் பிரிவில் ஒரு இடம் மட்டுமே காலியாக உள்ளது.