சிக்கிம் உயர்நீதிமன்ற தலைமை நீதிபதியாக பி.டி.தினகரன் பதவியேற்றார்

காங்டாக்: சிக்கிம் உயர்நீதிமன்ற தலைமை நீதிபதியாக பி.டி.தினகரன் இன்று பதவியேற்றுக் கொண்டார்.

கர்நாடக உயர்நீதிமன்ற தலைமை நீதிபதியாக இருந்தவர் பி.டி.தினகரன். இவர் மீது பல்வேறு சர்ச்சைகள் கிளம்பின. இதையடுத்து அவருக்கு அளிக்கவிருந்த சுப்ரீம் கோர்ட் நீதிபதி பதவி உயர்வு நிறுத்தி வைக்கப்பட்டது. மேலும் அவரை பதவி நீக்கம் செய்ய வலியுறுத்தி ராஜ்யசபாவில் தீர்மானம் கொண்டு வரவும் எம்.பிக்கள் கோரிக்கை விடுத்தனர். இந்த நிலையி்ல் தினகரனை சிக்கிம் உயர்நீதிமன்றத்திற்கு இடமாற்றம் செய்து குடியரசுத் தலைவர் பிரதீபா பாட்டீல் உத்தரவிட்டார்.

இதையடுத்து இன்று தலைமை நீதிபதியாக பதவியேற்றுக் கொண்டார் தினகரன். அவருக்கு ஆளுநர் பால்மீகி பிரசாத் சிங் பதவிப்பிரமாணம் செய்து வைத்தார்.

முதல்வர் பவன் சாம்லிங், அமைச்சர்கள், உயர் அதிகாரிகள் நிகழ்ச்சியில் கலந்து கொண்டனர்.