புதுக்கோட்டை மொய் விருந்தில் பிரபாகரன் படம்

புதுக்கோட்டை: புதுக்கோட்டையி்ல் நடந்த மொய் விருந்து நிகழ்ச்சியில் விடுதலைப் புலிகள் இயக்கத் தலைவர் பிரபாகரனின் கட்-அவுட் இடம் பெற்றிருந்தது. அதை போலீசார் அகற்றினர்.

புதுக்கோட்டை மாவட்டம் வடகாடு, கொத்தமங்களம், கீரமங்களம் பகுதிகளில் நடக்கும் மொய்விருந்து மற்றும் காதணி விழா கட்-அவுட்களில் பிரபாகரன் மற்றும் விடுதலைப் புலிகளின் சின்னம் இடம் பெற்று வருகிறது.

இவற்றை போலீசார் அகற்றி வருவதோடு பிரபாகரன் படம் கட்-அவுட்களாக, போஸ்டர்களாக வைக்க தடையும் விதித்துள்ளனர்.

இதையும் மீறி சில இடங்களில் மொய் விருந்து மற்றும் காதணி விழா அழைப்பிதழ்களில் பிரபாகரன், முத்துக்குமார் மற்றும் புலிப்படம் ஆகியவை இடம் பெறத் தொடங்கியுள்ளன.