பாக்.குடன் நீடித்த உறவை விரும்புகிறோம்-ஒபாமா

வாஷிங்டன்: 63வது சுதந்திர தினத்தைக் கொண்டாடும் பாகிஸ்தானுடன் நீடித்த, நிலைத்த உறவை அமெரிக்கா விரும்புகிறது என்று கூறியுள்ளார் அமெரிக்க அதிபர் பராக் ஒபாமா.

பாகிஸ்தான் இன்று 63வது சுதந்திர தினத்தைக் கொண்டாடுகிறது. இதையொட்டி அந்த நாட்டுக்கு ஒபாமா வாழ்த்து தெரிவித்துள்ளார். இதுதொடர்பாக அவர் விடுத்துள்ள வாழ்த்துச் செய்தியில், சர்வதேச அளவில் தான் கொண்டுள்ள தோழமையை நினைவு கூற இந்த சுதந்திர நாள் பாகிஸ்தானுக்கு நல்ல வாய்ப்பை அளித்துள்ளது.

பாகிஸ்தானுக்கும், அமெரிக்காவுக்கும் இடையிலான உறவு நீடித்தது, நிலைத்தது. இதை மேலும் வலுப்படுத்த உறுதி பூண்டுள்ளோம்.

அமெரிக்க மக்களின் சார்பில் 63வது சுதந்திர தினத்தைக் கொண்டாடும் பாகிஸ்தான் மக்களுக்கு வாழ்த்துக்களைத் தெரிவித்துக் கொள்கிறேன்.

அதேபோல அமெரிக்காவில் வசித்து வரும் பாகிஸ்தானிய அமெரிக்கர்களுக்கும் வாழ்த்து தெரிவிக்கிறேன். இந்த நாட்டின் வளர்ச்சிக்கான அவர்களது பங்களிப்பை நன்றியுடன் நினைவு கூர்கிறேன் என்று கூறியுள்ளார்.