முன்னாள் குடியரசுத் தலைவர் ஆர்.வெங்கட்ராமன் மனைவி ஜானகி மரணம்

சென்னை: முன்னாள் குடியரசுத் தலைவர் ஆர்.வெங்கட்ராமனின் மனைவி ஜானகி வெங்கட்ராமன் மரணமடைந்தார். அவரது மறைவுக்கு தமிழக ஆளுநர் எஸ்.எஸ்.பர்னாலா இரங்கல் தெரிவித்துள்ளார்.

இதுகுறித்து ஜானகி வெங்கட்ராமனின் மகள் பத்மாவுக்கு பர்னாலா அனுப்பியுள்ள இரங்கல் செய்தியில், உங்களது தாயார் மரணமடைந்த செய்தி அறிந்து மிகவும் அதிர்ச்சியும், துயரமும் அடைந்தேன் என்று தெரிவித்துள்ளார்.

89 வயதாகும் ஜானகி வெங்கட்ராமன் டெல்லியில் உள்ள தனது இல்லத்தில் நேற்று மரணமடைந்தார். சிறிது காலமாக அவர் உடல் நலம் குன்றியிருந்தார்.