சமையல் எண்ணெய் விலை லிட்டருக்கு ரூ.10 உயர்வு!

சென்னை: சமையல் எண்ணெய் விலை மீண்டும் கிடுகிடுவென உயர்ந்து வருகிறது. சன் பிளவர் எண்ணெய் விலை லிட்டருக்கு ரூ 10 வரை உயர்ந்துள்ளது.

தமிழகத்தில் மக்கள் அதிகம் பயன்படுத்தும் சன் பிளவர் கோல்டு வின்னர் லிட்டர் ரூ.58-ல் இருந்து 66 ஆக உயர்ந்துள்ளது. பாமாயில் 1 கிலோ ரூ.40-ல் இருந்து ரூ.50 ஆகி விட்டது. நல்லெண்ணை அக்மார்க் லிட்டர் ரூ.120-க்கும் சாதாரண நல்லெண்ணை ரூ.70-க்கும் விற்கப்படுகிறது.

கடலை எண்ணெய் கிலோ 78 ரூபாயில் இருந்து ரூ.92 ஆகி விட்டது. தேங்காய் எண்ணெய் கிலோ ரூ.75-ல் இருந்து ரூ.80 ஆக உயர்ந்துவிட்டது.

டால்டா கிலோ 50 ரூபாயில் இருந்து ரூ.55 ஆகிவிட்டது.

பாமாயில் இந்தோனேசியா, மலேசியா நாட்டில் இருந்து இறக்குமதியாகிறது. சர்வதேச மார்க்கெட்டில் பாமாயில் விலை ஏறியதால் தற்போது இங்கும் விலை அதிகமாகி விட்டதாக கூறப்படுகிறது.

இந்தியாவில் சூரியகாந்தி, வேர்க்கடலை விளைச்சல் குறைந்ததால் எண்ணெய் விலை அதிகரித்துள்ளதாக அனைத்து மளிகை வியாபாரிகள் சங்கம் சார்பில் தெரிவிக்கப்பட்டுள்ளது.

அத்தியாவசிய சமையல் பொருளான பூண்டு விலையும் கிலோ ரூ.140-க்கு உயர்ந்து விட்டது.