கிடுகிடுவென உயர்ந்த பூண்டு விலை: கிலோ ரூ.150 முதல் 220 வரை விற்கிறது

சென்னை: சென்னையில் பூண்டு விலை கிடுகிடுவென உயர்ந்துள்ளது.

உணவுப் பொருட்களின் விலை நாளுக்கு நாள் அதிகரித்துக் கொண்டே போகிறது. சில காய்கறிகளின் விலையைக் கேட்டாலே வாங்கத் தோன்றாது.

அன்றாட சமையலில் பயன்படுத்தப்படும் பூண்டின் விலை கடந்த சில மாதங்களாக ஏறுமுகமாகவே உள்ளது. இன்று ஒரு கிலோ பூண்டு (பெரியது) ரூ. 150க்கும், 2-ம் ரகப்பூண்டு ரூ. 130க்கும் விற்கப்படுகிறது. மலைப்பூண்டின் விலை அதிகரித்து கிலோ ரூ. 220 ஆக உள்ளது.

இந்தியாவிலேயே குஜராத்தில் தான் பூண்டு அதிகம் விளைகிறது. தற்போது அரபு நாடுகளுக்கும், மலேசியா, இலங்கை போன்ற நாடுகளுக்கும் அதிக அளவு பூண்டு ஏற்றுமதி செய்யப்படுகிறது. இதனால் தான் பூண்டின் விலை உயர்ந்து வருகிறது என்று அனைத்து மளிகை வியாபாரிகள் சங்கத் தலைவர் சொரூபன் தெரிவித்தார்.

பூண்டின் விலை கிடு கிடுவென உயர்ந்து கொணடு போவதால், மக்கள் குறைந்த அளவே வாங்குகிறார்கள்.