24 காரட் தங்கம் விலை ரூ 160 குறைந்தது

டெல்லி: டெல்லியில் இன்று சுத்தத் தங்கம் விலை சவரனுக்கு ரூ. 160 குறைந்தது.

இதன் மூலம் 99.9 சதவீத சுத்தத் தங்கத்தின் விலை சவரனுக்கு ரூ. 19,140க்கு விற்பனையானது.

சர்வதேச சந்தையில் தங்கத்தின் விற்பனை மந்தமாக உள்ளதால், அதன் எதிரொலியாக டெல்லியில் தங்கம் விலை குறைந்தது.

சர்வதேச சந்தையில் தங்கத்தின் விலை ஒரு அவுன்சுக்கு 4.70 அமெரிக்க டாலர்கள் குறைந்தது.

தங்க வியாபாரிகள் பெருமளவில் விற்றதாலும் அதன் விலையில் வீழ்ச்சி ஏற்பட்டதாக கூறப்படுகிறது.

10 கிராம் கொண்ட 99.9% சுத்தத் தங்கத்தின் விலையில் ரூ. 160 குறைந்து ரூ. 19,140க்கு விற்றது. இதுபோல், 99.5% சுத்தத் தங்கம் ரூ. 160 குறைந்து 19,040க்கு விற்றது.

சென்னையில் 24 காரட் சுத்தத் தங்கத்தின் விலை ரூ18710 ஆகவும், ஆபரணத் தங்கத்தின் விலை சவரன் ரூ 14232 ஆகவும் விற்பனையானது. ஆபரணத் தங்கம் கிராம் ரூ 1779 ஆக இருந்தது.