சென்னையில் விநாயகர் சிலைகளை கரைக்க 5 இடங்கள்

சென்னை: சென்னையில் 5 இடங்களில் விநாயகர் சிலைகளைக் கரைக்க அனுமதி அளிக்கப்பட்டுள்ளது.

இது குறித்து தலைமை செயலாளர் மாலதி வெளியிட்டுள்ள அறிக்கையில்,

சென்னை மாநகரக் காவல் ஆணையாளர் மற்றும் சென்னை புறநகர் காவல் ஆணையாளர் ஆகியோரது பரிந்துரையினை நன்கு பரிசீலனை செய்தபின் இந்த ஆண்டு விநாயகர் சதுர்த்தி விழாவின்போது சென்னை மாநகரம் மற்றும் சென்னை புறநகரில் கீழ்க்கண்ட இடங்களில் விநாயகர் சிலைகளைக் கரைக்க அனுமதியளிக்கப்படுகிறது.

சென்னை மாநகரில் பட்டினப்பாக்கத்தில் சீனிவாசபுரம், காசிமேடு மீன்பிடி துறைமுகம் அருகில், திருவொற்றியூர் பாப்புலர் எடை மேடையின் பின்புறம், நீலாங்கரையில் பல்கலைநகர் ஆகிய இடங்களில் சிலைகளைக் கரைக்கவும்,

புறநகர் பகுதியில் எண்ணூரில் ராமகிருஷ்ணா நகர் கடற்கரையில் சிலைகளைக் கரைக்கவும் அனுமதி அளிக்கப்பட்டுள்ளது என்று கூறியுள்ளார்.