உலக காபி ஏற்றுமதி 5.2 சதவீதம் சரிவு

டெல்லி: உலக அளவிலான காபி ஏற்றுமதியின் அளவு 5.2 சதவீதம் குறைந்துள்ளது.

2009-10ம் ஆண்டின் முதல் பத்து மாதங்களில் 5.2 சதவீதம் குறைந்து 78.45 மில்லியன் பைகளாக இருந்தது.

இது 2008-09ம் ஆண்டில் 82.73 மில்லியன் பைகளாக (தலா 60 கிலோ பைகள்) ஏற்றுமதி இருந்தது. காபி ஏற்றுமதிக்கான பருவம் அக்டோபர் முதல் செப்டம்பராகும்.

முக்கிய காபி ஏற்றுமதி நாடுகளான பிரேசில், வியட்நாம், கொலம்பியா ஆகியவற்றில்தான் பெருமலளவில் சரிவு காணப்பட்டது.

உலகின் 2வது பெரிய காபி ஏற்றுமதியாளரான வியட்நாமில், ஏற்றுமதி அளவு நடப்பு காபி ஏற்றுமதி ஆண்டின் ஜூலை மாதத்தில் 12.81 சதவீதம் முதல் 17.3 சதவீதம் வரை சரிந்துள்ளதாக உலக காபி கழகம் தெரிவித்துள்ளது.