குருவாயூர் கிருஷ்ணன் கோவிலுக்கு வெடிகுண்டு மிரட்டல்

திருவனந்தபுரம் : குருவாயூர் கிருஷ்ணன் கோவிலுக்கு வந்த வெடிகுண்டு மிரட்டலால் பரபரப்பு ஏற்பட்டுள்ளது.

கேரளாவில் உள்ள குருவாயூர் கிருஷ்ணன் கோயில் மிகவும் பிரசித்தி பெற்றது. நேற்று மாலை கோயில் நிர்வாக அதிகாரிக்கு போனில் பேசிய மர்ம நபர் ஒருவர் கோயிலில் வெடிகுண்டு வைத்திருப்பதாகவும், சிறிது நேரத்தில் வெடிக்கும் எனவும் கூறினார்.

இது குறித்து போலீசாருக்கு தகவல் தெரிவிக்கப்பட்டது. இன்ஸ்பெக்டர் சஜீவ் தலைமையில் போலீசார் விரைந்து சென்று சோதனை நடத்தினர். வெடிகுண்டு நிபுணர்கள் உதவியுடன் கோயில் முழுவதும் சோதனை நடந்தது. ஆனால் எந்த வெடிபொருளும் சிக்கவில்லை.

மிரட்டலை தொடர்ந்து இன்று கோயிலுக்கு பாதுகாப்பு அதிகரிக்கப்பட்டுள்ளது. பக்தர்கள் தீவிர சோதனைக்கு பின்னரே உள்ள செல்ல அனுமதிக்கப்பட்டனர்.