கொடுநாடு எஸ்டேட் அம்மன் கோவிலில் ஜெ. ரகசிய வழிபாடு

கோத்தகிரி: கொடநாடு எஸ்டேட் பங்களாவில் ஓய்வெடுத்து வரும் அதிமுக பொதுச் செயலாளர் அங்குள்ள எஸ்டேட்அம்மன் கோவிலில் தனது தோழி சசிகலாவுடன் சென்று வழிபட்டார். இந்த பயணம் ரகசியமாக வைக்கப்பட்டிருந்தது.

கோடநாடு எஸ்டேட்டுக்கு தன் தோழி சசிகலாவுடன் கடந்த மாதம் 31ம் தேதி சென்ற ஜெயலலிதா, எஸ்டேட்டில் தங்கியுள்ளார். எஸ்டேட்டில் தங்கி கட்சிப் பணிகளை மேற்கொண்டு வரும் அவர், அவ்வப்போது, எஸ்டேட்டினுள் அண்ணாநகர் அருகில் உள்ள அம்மன் கோவிலுக்கு சென்று வருவது வழக்கம்.

இதேபோல் அங்குள்ள அம்மன் கோவிலிலும், அருகில் உள்ள பிள்ளையார் கோவிலிலும் சிறப்பு பூஜை செய்து வழிபட்டார். பங்களாவில் இருந்து எஸ்டேட்டினுள் உள்ள சாலை வழியாக, ஜெயலலிதா ரகசியமாக கோவிலுக்கு சென்று வந்ததாக தெரிகிறது.