சைபர் கிரைமால் 76% இந்தியர்கள் பாதிப்பு: 60% பேர் கம்ப்யூட்டர் வைரஸால் பாதிப்பு

டெல்லி : ஆன்லைனால் கடுமையாக பாதிக்கப்பட்ட நாடு இந்தியா. மூன்றில் ஒரு பங்கு இந்தியர்கள் சைபர்கிரைமில் சிக்கி ஏமாறுகின்றனராம். கம்ப்யூட்டர் வைரஸ், ஆன்லைன் கிரெடிட் கார்டு மோசடி, இமெயில் ஹாக்கிங் போன்றவற்றால் ஏமாறுகின்றனர்.

இன்டர்நெட்டை பயன்படுத்துபவர்களில் 65 சதவிகிதம் பேர் சைபர்கிரைமால் ஏமாறுகின்றனர். ஆனால் இந்தியாவில் 76 சதவிகிதம் பேர் சைபர்கிரைமால் பாதிக்கப்படுகின்றனர் என்று நார்டன் சைபர்கிரைம் ரிப்போர்ட்: தி ஹ்யூமன் இம்பாக்ட் என்னும் ஆராய்ச்சி தெரிவித்துள்ளது.

இதில 60 சதவிகிதம் பேர் கம்ப்யூட்டர் வைரஸ் மற்றும் மால்வேரால் பாதிக்கப்படுகின்றனர் என்று அது கூறுகிறது.

சைபர்கிரைமில் ஈடுபடுபவர்கள் நாளுக்கொரு புதிய திட்டம் வகுத்து அப்பாவி பொதுமக்களை ஏமாற்றுகின்றனர். இதில் அதிகம் சிக்குபவர்கள் இந்தியர்கள் தான்.