முதல்வர் உடல் நிலை காரணமாக திமுக நிர்வாகிகள் கலந்துரையாடல் ஒத்திவைப்பு

சென்னை: முதல்வர் கருணாநிதி தலைமையில் நடைபெறுவதாக இருந்த மாவட்ட வாரியான நிர்வாகிகள் கலந்துரையாடல் கூட்டம் தேதி குறிப்பிடப்படாமல் ஒத்திவைக்கப்பட்டுள்ளது.

இதுகுறித்து திமுக பொதுச் செயலாளரான அமைச்சர் க.அன்பழகன் வெளியிட்டுள்ள அறிக்கையில்,

திமுக தலைவர் கருணாநிதி, தஞ்சை பெரிய கோயில் 1000ஆவது ஆண்டு நிறைவு விழாவில் கலந்து கொண்டு, சென்னை திரும்பிய நிலையில், அவரின் உடல்நிலை கருதி ஏற்கனவே மாவட்ட வாரியாக நடைபெறுவதாக அறிவிக்கப்பட்டிருந்த திமுக மாவட்ட, மாநகர, ஒன்றிய, நகர பகுதிக் கழக நிர்வாகிகள் கலந்தாய்வு கூட்டம் ஒத்திவைக்கப்படுகிறது.

கலந்துரையாடல் கூட்டம் நடைபெறும் தேதி, மாவட்ட வாரியாக விவரம் பின்னர் அறிவிக்கப்படும் என்று தெரிவித்துள்ளார்.