உணவுப் பணவீக்கம் 16.44 சதவீதமாக உயர்வு

டெல்லி: உணவுப் பணவீக்கம் கடந்த வாரம் 16.44 சதவீதமாக உயர்ந்துள்ளது.

செப்டம்பர் 18-ம் தேதியுடன் முடிவடையும் வாரத்துக்கான அத்யாவசிய, மூலதனப் பொருள்களின் விலைகள் உயர்ந்துள்ளதாலும், கடும் மழை காரணமாக உணவுப் பொருள் சப்ளை பாதிக்கப்பட்டுள்ளதாலும் இந்த உயர்வு என்று கூறப்பட்டது.

இதற்கு முந்தைய வாரம் 15.46 சதவீதமாக இருந்தது உணவுப் பணவீக்கம். உணவு தானியங்களின் விலை 6.11 சதவீதம் உயர்ந்துள்ளது. கோதுமை மற்றும் அரிசி 9.14 சதவீதமாக உயர்ந்துள்ளது. பழங்களின் விலை 15.13 சதவீதமாக உயர்ந்துள்ளது.

தொடர்ந்து 5வது வாரமாக உயர்வு கண்டு வருகிறது உணவுப் பணவீக்கம் என்பது குறிப்பிடத்தக்கது.