சென்னை: தங்கம் விலை சவரனுக்கு ரூ. 136 உயர்வு

சென்னை: தங்கம் விலை ஒரே நாளில் பவுனுக்கு ரூ. 136 அதிகரித்தது.

கடந்த சில நாட்களாக தங்கம் விலையில் நிலையற்ற தன்மை நிலவுகிறது. விலை ஏறுவதும், இறங்குவதுமாக உள்ளது. நேற்று ஒரு பவுன் ரூ. 14 ஆயிரத்து 200 ஆக இருந்தது.

இன்று ஒரே நாளில் பவுனுக்கு ரூ. 136 அதிகரித்து ரூ. 14 ஆயிரத்து 336 ஆக உள்ளது. ஒரு கிராம் ரூ. 1792 ஆக விற்கிறது.

சமீப காலமாக தங்கம் விலை பவுனுக்கு ரூ. 8 முதல் ரூ. 100 வரை உயர்ந்து வருகிறது. ஆனால் இன்று ஒரே நாளில் ரூ. 136 உயர்ந் துள்ளது ஏழை-எளிய நடுத்தர மக்களை கவலையில் ஆழ்த்தியுள்ளது.

விலை உயர்வுக்கு அமெரிக்க டாலரின் விலை வீழ்ச்சி மற்றும் தங்கத்தின் மீதான முதலீடு அதிகரிப்பு போன்றவையே காரணம் என கூறப்படுகிறது.

இன்று ஒரு கிலோ வெள்ளி ரூ. 33 ஆயிரத்து 590 ஆகவும், ஒரு கிராம் ரூ. 35.95 ஆகவும் உள்ளது.