மதுரா கோட்ஸ் மில் ஊழியர்களுக்கு ரூ.2 கோடி தீபாவளி போனஸ்

வி.கே.புரம்: மதுரா கோட்ஸ் ஊழியர்களுக்கு ரூ. 2 கோடி தீபாவளி போனஸ் வழங்கப்படுகிறது. இது வரும் 4-ம் தேதி பட்டுவாடா செய்யப்படுகிறது.

நெல்லை மாவட்டத்தில் வி.கே.புரம் மற்றும் தூத்துக்குடி, மதுரை, ஆகிய மூன்று இடங்களில் மதுரா கோட்ஸ் மில் இயங்கி வருகிறது. இங்கு பல்லாயிரக்கணக்கான தொழிலாளர்கள் வேலை பார்த்து வருகின்றனர். இவர்களுக்கு ஆண்டுதோறும் தீபாவளி போனஸ் வழங்கப்படுகிறது. இந்த ஆண்டு போனஸ் அக்டோபர் 4-ம் தேதி பட்டுவாடா செய்யப்படுகிறது.

வி.கே.புரம் மில்லில் மட்டும் நிரந்தரத் தொழிலாளர்கள் 1000 பேர் உள்ளனர். இவர்களுக்கு ரூ.80 லட்சம் போனஸ் வழங்கப்படுகிறது. 241 நாள் முதல் 284 நாள் வரை வேலை பார்த்தவர்களுக்கு ரூ.8,820-ம், 285 நாள் முதல் 309 நாள் வரை வேலை பார்த்தவர்களுக்கு ரூ.9,400-ம், 310 நாட்களுக்கு மேல் வேலை பார்த்தவர்களுக்கு ரூ.10 ஆயிரமும் வழங்கப்படுகிறது. ஆக மொத்தம் 3 மில்களிலும் சேர்த்து ரூ.2 கோடி போனஸ் வழங்கப்படுகிறது.

இந்தத் தகவலை நிர்வாகத்தின் தொழில் உறவு மேலாளர் பாஸ்கரன் தெரிவித்தார்.