எஸ்பிஐ சேவையில் அதிருப்தியா... எஸ்எம்எஸ் மூலம் புகார் தரலாம்!

சென்னை: பாரத ஸ்டேட் வங்கி சேவையில் வாடிக்கையாளர்களின் அதிருப்தியைப் போக்குவதற்காக, குறைகளைக் களையும் தனி எஸ்எம்எஸ் சேவை தொடங்கப்பட்டுள்ளது.

செல்பேசியில் 'UNHAPPY' என "டைப்' செய்து, 8008202020 என்ற எண்ணுக்கு சேவை குறைபாட்டை எஸ்எம்எஸ் செய்தால், அதிகாரிகள் உடனடியாக வாடிக்கையாளரைத் தொடர்பு கொண்டு குறையைத் தீர்க்க உதவுவார்கள்.

வாடிக்கையாளர்களின் குறையைத் தீர்க்கும் இத்தகைய முயற்சியை நாட்டிலேயே முதன்முறையாக பாரத ஸ்டேட் வங்கி தொடங்கியுள்ளது.

ஏற்கெனவே குறைகளை எழுத தனி பதிவேட்டை இந்த வங்கி அந்தந்த கிளைகளில் வைத்துள்ளது. ஆனால் அந்த திட்டம் பலனளிக்கவில்லை. எனவே இப்போது புதிய எஸ்எம்எஸ் திட்டம் அறிமுகப்படுத்தப்பட்டுள்ளது.