525 மில்லியன் டாலர் பங்குகளை விற்கும் டாடா மோட்டார்ஸ்

மும்பை: டாடா மோட்டார்ஸ் தனது 525 மில்லியன் டாலர் மதிப்புள்ள பங்குகளை சர்வதேச முதலாட்டாளர்களுக்கு விற்கிறது.

தனது நிறுவனத்தின் 1.1 பில்லியன் மதிப்பிலான பங்குகள், கடன் பத்திரங்கள் மற்றும் இதர பத்திரங்களை விற்கப் போவதாக கடந்த ஜூன் மாதம் டாடா மோட்டார்ஸ் அறிவித்திருந்தது நினைவிருக்கலாம்.

மார்ச் 2010-உடன் முடிவடைந்த ஆண்டில் டாடா மோட்டார்ஸ் 4 பில்லியனை மொத்த கடனாக வைத்திருந்தது குறிப்பிடத்தக்கது.

கடன் சுமையைக் குறைக்கவும், வர்த்தகத்தை விஸ்தாரமாக்கவும் முதல்கட்டமாக 525 மில்லியன் டாலர் பங்குகளை விற்கிறது இந்த நிறுவனம்.