மதுரை சிறப்பு ரயில்களுக்கு முன்பதிவு-இன்று முதல் தொடக்கம்

சென்னை : சென்னை சென்டிரல் ரயில் நிலையத்திலிருந்து மதுரைக்கு இயக்கப்படவுள்ள சிறப்பு ரயில்களுக்கான டிக்கெட் முன்பதிவு இன்று தொடங்குகிறது.

சென்னை சென்டிரலிலிருந்து மதுரைக்கு இந்த மாதம் 11, 18, 25-ந் தேதிகளிலும், அடுத்த மாதம் 1, 8-ந் தேதிகளிலும் உள்ள திங்கட்கிழமைகளில் சிறப்பு ரயில்கள் இயக்கப்படவுள்ளது.

சென்னையிலிருந்து இரவு 9.50 மணிக்கு புறப்படும் இந்த சிறப்பு ரயில் அடுத்த நாள் காலை 8.50 மணிக்கு மதுரை சென்றடையும்.

அதேபோல மறு மார்க்கத்தில்,இந்த மாதம் 12, 19, 26-ந் தேதிகளிலும், அடுத்த மாதம் 2, 9-ந் தேதிகளிலும் உள்ள செவ்வாய்கிழமைகளில் இரவு 9.10 மணிக்கு மதுரையிலிருந்து புறப்பட்டு, மறுநாள் காலை 8.10 மணிக்கு சென்னை சென்டிரலை வந்தடையும்.

சென்டிரலிலிருந்து புறப்பட்டாலும் இந்த ரயில் எழும்பூர் ரயில் நிலையம் வழியாக இயக்கப்படுகிறது. இந்த ரயில்களுக்கான முன்பதிவு இன்று காலை தொடங்கியது.