பாஜக தொண்டர்களுக்கு 3 நாள் அரசியல் பயிற்சி முகாம்

சென்னை: நாடு முழுவதும் உள்ள கட்சித் தொண்டர்களுக்கு மூன்று நாட்கள் அரசியல் பயிற்சி முகாம் ஒன்றை பாஜக நடத்தவிருக்கிறது.

இது குறித்து பாஜகவின் தேசிய செயற்குழு உறுப்பினர் இல.கணேசன் கூறியதாவாது,

பா.ஜ.க. தன் கட்சித் தொண்டர்களுக்கு முறைப்படி அரசியல் பயிற்சி அளிக்கும் தேசிய கட்சி ஆகும். தற்போதைய பாஜக தலைவர் நிதின் கட்காரி பதவிக்கு வந்த பிறகு முன்பே திட்டமிட்டது போல் நாடு முழுவதும் உள்ள தொண்டர்களுக்கு மூன்று நிலை அரசியல் பயிற்சி அளிப்பதில் முனைப்புடன் இருக்கிறார்.

முதல் கட்ட பயிற்சியான பிரவேஸ் தமிழகத்தில் நடந்து வருகிறது. இந்த முகாம் தமிழகத்தில் நாகபட்டினம், திருச்சி, மதுரை மாவட்டம் டி.கல்லுப்பட்டி, ராமநாதபுரம் மாவட்டம் பரமக்குடி உள்ளிட்ட 13 இடங்களில் இந்த மாதம் துவக்கப்பட்டு, தொடர்ந்து நடந்து கொண்டிருக்கிறது என்று அவர் கூறினார்.

தக்க சமயத்தில் சட்டமன்ற தேர்தல் கூட்டணி குறித்து முடிவு செய்யப்படும் என்று அகில இந்திய தேசிய செயலர் முரளிதரராவ் தெரிவித்தார்.