போக்குவரத்துக் கழக ஊழியர்களுக்கு 20% போனஸ்-கருணாநிதி அறிவிப்பு

சென்னை: தமிழக போக்குவரத்துக் கழக ஊழியர்களுக்கு 20 சதவீத போனஸ் வழங்கப்படும் என்று முதல்வர் கருணாநிதி கூறியுள்ளார்.

இதுதொடர்பாக தமிழக அரசு இன்று வெளியிட்ட செய்திக்குறிப்பு...

தமிழக அரசுப் போக்குவரத்துக் கழகங்கள் தொடர்ந்து நஷ்டத்தில் இயங்கி வருகின்றன. இருந்தபோதிலும் கடந்த நான்கு வருடமாக தவறாமல் போனஸ் வழங்கப்பட்டு வருகிறது.

இந்த வருடமும் 20 சதவீத போனஸ் வழங்கப்படும். அதில் 8.33சதவீதம் போனஸ் மற்றும் 11.67 சதவீதம் ஊக்கத் தொகையாகும்.

மொத்தம் 1 லட்சத்து 27 ஆயிரத்து 714 ஊழியர்கள் இந்தப் போனஸ் தொகையால் பலன் பெறுவார்கள்.

அதேபோல 1 லட்சத்து 7 ஆயிரத்து 779 மாற்றுத் திறனாளி பணியாளர்களுக்கு கடந்தஆண்டைப் போலவே இந்த ஆண்டும் போனஸ் வழங்கப்படும்.

இந்த போனஸ் காரணமாக அரசுக்கு ரூ. 99.54 கோடி கூடுதல் சுமை ஏற்படும் என்று தெரிவிக்கப்பட்டுள்ளது.

ஏற்கனவே டாஸ்மாக், கூட்டுறவு சங்க ஊழியர்களுக்கும் 20 சதவீத போனஸை முதல்வர் கருணாநிதி சமீபத்தில் அறிவித்திருந்தார் என்பது குறிப்பிடத்தக்கது.