காமன்வெல்த் விளையாட்டுப் போட்டியி்ல பதக்கம் வென்ற வீரர்களுக்கு சோனியா வாழ்த்து

டெல்லி : காமன்வெல்த் விளையாட்டுப் போட்டியில் பதக்கம் வென்ற இந்திய வீரர், வீராங்கனைகளுக்கு காங்கிரஸ் தலைவர் சோனியா காந்தி வாழ்த்தும், பாராட்டும் தெரிவித்தார்.

காமன்வெல்த் போட்டியில் இந்தியா 38 தங்கப் பதக்கங்களுடன் 101 பதக்கங்களை வென்றது. போட்டி முடிந்ததும், பிரதமர் மன்மோகன் சிங்கை இந்திய வீரர், வீராங்கனைகள் சந்தித்து வாழ்த்து பெற்றனர். இந்த நிகழ்ச்சிக்கு சுரேஷ் கல்மாடி அழைக்கப்படவில்லை.

இந்த நிலையில், இன்று காங்கிரஸ் தலைவர் சோனியா காந்தியை வீரர், வீராங்கனைகள் சந்தித்து வாழ்த்தும், பாராட்டும் பெற்றனர்.

இந்த நிகழ்ச்சிக்கும் சுரேஷ் கல்மாடியைக் கூப்பிடாமல் நிராகரித்து விட்டனர்.