மின்வாரிய ஊழியர்களுக்கு 20 சதவீத போனஸ்!

சென்னை: மின்வாரியத்தில் பணியாற்றும் ஊழியர்களுக்கு 20 சதவீத போனஸ் வழங்கப்படும் என தமிழக அரசு அறிவித்துள்ளது.

இதுகுறித்து அரசு வெளியிட்டுள்ள செய்திக்குறிப்பு:

மின்வாரிய நிதிநிலைமையை கருத்தில்கொண்டு தமிழக மின்வாரிய ஊழியர்களுக்கு 20 சதவீத போனஸ் (8.33% போனஸ் மற்றும் 11.67 % கருணைத் தொகை) வழங்க முடிவுசெய்யப்பட்டுள்ளது. இதனால் 69 ஆயிரத்து 621 ஊழியர்கள் பயன் அடைவார்கள்.

மேலும் 2009-20 ஆம் ஆண்டில் மின்வாரியத்தில் பணியாற்றிய சுமார் 9 ஆயிரத்து 600 ஒப்பந்தத் தொழிலாளர்கள் மற்றும் 5 ஆயிரத்து 516 பகுதி நேர ஊழியர்களுக்கும் ரூ 1,500 கருணைத்தொகை வழங்கப்படும். இதனால் மின்வாரியத்துக்கு இந்த ஆண்டு ரூ 60.75 கோடி கூடுதல் செலவாகும், என அச்செய்திக்குறிப்பில் தெரிவிக்கப்பட்டுள்ளது.