மதுரையில் நெப்போலியன் கார் மீது கல்வீச்சு!

மதுரை: மத்திய அமைச்சர் நெப்போலியன் கார் மீது கல் வீசி தாக்குதல் நடத்தப்பட்டதால் மதுரையில் சலசலப்பு ஏற்பட்டது.

மத்திய அமைச்சரவையில் தி.மு.க.சார்பில் சமூக நலத்துறை இணை அமைச்சராக உள்ளவர் நடிகர் நெப்போலியன். இவர் மதுரை பகுதியில் காரில் சென்று கொண்டிருந்தார். அவரது பாதுகாப்புக்காக முன்பக்கமும், பின்பக்கமும் கார்கள் சென்றன.

இந்நிலையில் மண்டேலா நகர் பகுதியில் சென்று கொண்டிருந்தபோது மர்ம நபர்கள் அமைச்சர் நெப்போலியன் கார் மீது கற்களை வீசி தாக்கினார். இதனால் அப்பகுதியில் பெரும் பதற்றம் ஏற்பட்டுள்ளது.

தாக்கியவர்கள் அ.தி.மு.க.சார்பில் நடைபெறும் ஜெயலலிதா பங்கேற்கும் ஆர்ப்பாட்டத்துக்கு வந்தவர்கள் என்று கூறப்படுகிறது. இதனால் அந்தப் பகுதியில் சலசலப்பு ஏற்பட்டது.