தீபாவளி ஸ்பெஷல்: 45 நிமிடம் வர்ணஜாலம் காட்டும் "520 ஷாட்ஸ்'!

சிவகாசி: தீபாவளிக்கு புதிய ரகப் பட்டாசுகளே இல்லையா என்ற ஏக்கத்துடன் பார்க்கும், பட்டாசுப் பிரியர்களுக்காகவே வந்திருக்கிறது 520 ஷாட்ஸ்.

ஜஸ்ட் திரியை கொளுத்தினால் போதும், 45 நிமிடம் தொடர்ந்து வானில் வர்ணஜாலங்களையும், வாணவேடிக்கையையும் நிகழ்த்தும் 520 ஷாட் பட்டாசு, இந்த தீபாவளிக்கு அறிமுகமாகிறது. இதன் விலை ரூ 7,000!

கடந்த தீபாவளி வரை 50 ஷாட் ரகம்தான் அதிகபட்சமாகக் கருதப்பட்டது. இந்த ஆண்டு அதை 520 ஷாட்டாக 'அப்கிரேட்' செய்துள்ளனர் சிவகாசிக்காரர்கள்!

இரண்டு பேர் சேர்ந்து தூக்கும் அளவு வெயிட்டான ரகம் இது. பற்ற வைத்ததும் புஸ்வானமாக சீறிக் கிளம்பி, அடுத்த சில நொடிகளில் சரவெடியாக வெடிக்க ஆரம்பிக்கும்.

அடுத்த கட்டமாக வானில் வண்ண ஒளியை வாரியிறைக்கும் பேன்சி ரகமாக மாறும். 4வது கட்டத்தில் விசிலடித்தபடி, சக்கரமாக சுழல ஆரம்பிக்கும்.

கடைசியாக அதிர்வேட்டுகளை எழுப்பும். இதன் விலை ரூ 7000.

காஸ்ட்லி தீபாவளி கொண்டாடுவோருக்கு ரொம்ப பிடித்த ரகமாக இது இருக்கும் என்கிறார்கள் பட்டாசுக் கடைக்கார்கள்.