விபத்தில் சிக்கிய ஜம்மு காஷ்மீர் அமைச்சர் காயங்களுடன் தப்பினார்

ஸ்ரீநகர்: ஜம்மு காஷ்மீர் மாநில சுற்றுலாத் துறை அமைச்சர் அஸ்லம் வானியும், அரசு உயர் அதிகாரி ஒருவரும் வந்த வாகனம் புல்டோசருடன் மோதிய விபத்தில் அதிர்ஷ்டவசமாக உயிர் தப்பினர்.

வானியும், தகவல் துறை தலைவர் பரூக் அஹமத் ரென்சுவும் கந்தர்பாலில் இருந்து ஸ்ரீநகருக்கு காரில் வந்து கொண்டிருந்தனர். அப்போது அவர்கள் கார் புல்டோசரின் மீது மோதி தலைகீழாகத் திரும்பியது.

இதில் அவர்கள் இருவரும் காயங்களுடன் உயிர் பிழைத்தனர். கார் டிரைவரும் காயங்களுடன் தப்பித்தார்.