ஜெனீபர் சந்திரன் திடீர் நீக்கம்: நெல்லை, தூத்துக்குடி மாவட்ட பொறுப்பாளர் நைனார்

சென்னை: தூத்துக்குடி மாவட்ட அதிமுக பொறுப்பாளராக இருந்து வந்த ஜெனீபர் சந்திரன் அப்பொறுப்பிலிருந்து நீக்கப்பட்டுள்ளார். ஜெயலலிதா பேரவை செயலாளரான முன்னாள் அமைச்சர் நைனார் நாகேந்திரன், நெல்லை மற்றும் தூத்துக்குடி மாவட்ட அதிமுக பொறுப்பாளராக நியமிக்கப்பட்டுள்ளார்.

இதுதொடர்பாக அதிமுக பொதுச் செயலாளர் ஜெயலலிதா விடுத்துள்ள அறிக்கையில்,

தூத்துக்குடி மாவட்ட அ.தி.மு.க. பொறுப்பாளராக இருக்கும் ஜெனீபர் சந்திரன் அந்த பதவியில் இருந்து விடுவிக்கப்படுகிறார். ஜெயலலிதா பேரவை செயலாளர் நயினார் நாகேந்திரன் நெல்லை மாநகர் மற்றும் தூத்துக்குடி மாவட்ட பொறுப்பாளராக நியமிக்கப்பட்டுள்ளார்.

அனைத்துலக எம்.ஜி.ஆர். மன்ற துணை செயலாளராக கடலூர் கிழக்கு மாவட்ட முன்னாள் செயலாளர் சொரத்தூர் ராஜேந்திரன் நியமிக்கப்பட்டுள்ளார் என்று தெரிவித்துள்ளார்.