வரத்து அதிகரித்தது-உளுந்து, துவரம் பருப்பு விலை சரிந்தது

நெல்லை: அதிக வரத்து காரணமாக உளுந்து, துவரம்பருப்பு விலை சரிந்துள்ளது. பாசி பருப்பு விலை மூட்டைக்கு ரூ.200 அதிகரித்துள்ளது.

கர்நாடக, மகாராஷ்டிராவில் இருந்து உளுந்து வரத்து காரணமாக உளுந்து மற்றும் உளுந்தம் பருப்பு 100 கிலோ மூட்டை கடந்த வாரம் ரூ.300 வரை சரிந்தது. தற்போது மேலும் ரூ.400 சரிந்துள்ளது.

நயம் உளுந்து ரூ.5000ல் இருந்து ரூ.4450, பர்மா பருவட்டு உளுந்து ரூ.5200ல் இருந்து ரூ.4600, பொடி உளுந்து ரூ.4500ல் இருந்து ரூ.4100, உருட்டு உளுந்தம் பருப்பு ரூ.7300ல் இருந்து 6900, பர்மா பருவட்டு உளுந்தம் பருப்பு ரூ.6600ல் இருந்து 6200, பொடி ரூ.6200ல் இருந்து ரூ.5700, தொளி ரூ.5800ல் இருந்து ரூ.5600 என குறைந்துள்ளது.

கர்நாடகவில் டிசம்பர் மாதம் வரை சாகுபடி எதிர்பார்ப்பில் துவரம் பருப்பு விலை குறைய துவங்கியுள்ளது. லயன் துவரை மூட்டை ரூ.3500ல் இருந்து 3400, உடைசல் துவரம்பருப்பு ரூ.5000ல் இருந்து ரூ.4700 என குறைந்துள்ளது.