ஜெனரல் மோட்டார்ஸின் ஹலோல் தொழிற்சாலையில் ஸ்டிரைக்: கார் உற்பத்தி பாதிப்பு

மும்பை: அமெரிக்க கார் தயாரிப்பு நிறுவனமான ஜெனரல் மோட்டார்ஸின் ஹலோல் தொழிற்சாலையில் பணிபுரியும் ஊழியர்கள் ஊதிய உயர்வு கேட்டு வேலை நிறுத்தத்தில் ஈடுபட்டுள்ளனர்.

கார் தயாரிப்பில் ஜாம்பவானான ஜெனரல் மோட்டார்ஸ் இந்தியாவில் தனது தொழிற்சாலைகளை அமைத்து கார் தயாரித்து வருகிறது.

இதில் குஜராத் மாநிலத்தில் ஹலோல் தொழிற்சாலையில் யூ-விஏ. ஏவியோ, ஆப்ட்ரா, டவேரா மற்றும் க்ரூஸ் மாடல் கார்கள் தயாரிக்கப்படுகிறது.

இங்கு நாள் ஒன்றுக்கு 2 ஷிப்ட்களில் 150 கார்கள் தயாரிக்கப்படுகின்றன. இந்நிலையில் ஊழியர்கள் தங்களுக்கு ஊதிய உயர்வு வழங்கக் கோரி வேலை நிறுத்தத்தில் ஈடுபட்டுள்ளனர். இதனால் உற்பத்தி பாதிக்கப்பட்டுள்ளது.

"ஊழியர்களுடன் பேச்சுவார்த்தை நடத்தி வருகிறோம். இந்த பிரச்சனைக்கு விரைவில் தீர்வு கிடைக்கும் என்று நம்பு"வதாக ஜெனரல் மோட்டார்ஸ் இந்தியாவின் துணை தலைவர் பாலேந்திரன் தெரிவித்தார்.