அறிமுகமான 17 மாதத்தில் 1 லட்சம் ரிட்ஸ் கார்கள் விற்று மாருதி சாதனை

மும்பை: மாருதி சுசுகிக்கு இது கொண்டாட்ட காலம். சந்தைக்கு வந்த 17 மாத காலத்திலேயே ஒரு லட்சம் மாருதி ரிட்ஸ் கார்கள் விற்பனையாகியுள்ளன.

இது குறித்து மாருதி சுசுகியின் செயல் அதிகாரி கூறியதாவது,

ரிட்ஸ் காருக்கு கிடைத்துள்ள வரவேற்பு நிறுவனத்திற்கு மிகுந்த உற்சாகம் அளிக்கிறது. இந்த கார் தான் பிரீமியம் கார் பகுதியில் அதிக அளவில் விற்றுள்ளது.

பணம் மற்றும் எரிபொருள் சிக்கனம் அளிக்கும் இந்த காரின் வெற்றியை நாங்கள் மாருதி வாடிக்கையாளர்களுக்கு சமர்பனம் செய்கிறோம். அவர்களால் தான் இந்த சாதனை சாத்தியமானது. ஏற்கனவே மிக குறைந்த காலத்தில் 50,000 ரிட்ஸ் கார்கள் விற்றன. பெட்ரோல் என்ஜின் ரிட்ஸ் ரூ. 4.05 லட்சம் முதல் 4.96 லட்சம் வரை கிடைக்கிறது. டீசல் என்ஜின் ரிட்ஸ் ரூ. 4.79 லட்சம் முதல் 5.4 லட்சம் வரை கிடைக்கிறது.

ஸ்கோடா பேபியா, போக்ஸ்வேகன் போலோ, ஜிஎம் யுவிஏ, நிஸ்ஸான் மைக்ரா மற்றும் மாருதி ஸ்விப்ட் கார்களுடன் போட்டியிட்டுத் தான் ரிட்ஸ் இந்த சாதனை படைத்துள்ளது.

தற்போது இந்தோனேசியாவிற்கு ஏற்றுமதி செய்யப்படும் ரிட்ஸ் விரைவில் மற்ற நாடுகளுக்கும் ஏற்றுமதி செய்யப்படும் என்று அவர் கூறினார்.

English summary

Maruti Suzuki has one more news to celebrate now as its Ritz has scaled the one lakh mark during the 17 months of its presence in the market. The Managing EO for Maruti Suzuki said that the company is feeling much enthusiastic with this overwhelming response to Ritz. He said that Ritz has now become the fastest car to reach this mark in the premium car sector. He attributed the success run of Rtiz to the customers who valued the money and fuel efficiency and he dedicated the feat to the customers of Maruti.