தீபாவளி: சென்னையிலிருந்து 4ம் தேதி மதுரைக்கு சிறப்பு ரயில்

சென்னை: தீபாவளியையொட்டி நாளை (4ம் தேதி) பகல் 1.25 மணிக்கு சென்னை எழும்பூரில் இருந்து மதுரைக்கு சிறப்பு ரயில்( எண்-0637) புறப்பட்டுச் செல்கிறது.

இந்த ரயில் இரவு 10.15 மணிக்கு மதுரையை சென்றடையும்.

மறுமார்க்கத்தில் மதுரையில் இருந்து சென்னை எழும்பூருக்கு 7ம் தேதி காலை 7.30 மணிக்கு இந்த சிறப்பு ரயில்(எண்-0638) இயக்கப்படுகிறது.

இந்த ரயில் மாலை 4.20 மணிக்கு எழும்பூரை வந்தடையும். இந்த ரயில்களுக்கான முன்பதிவு இன்று முதல் தொடங்குகிறது.

இந்த ரயில்களில் முன்பதிவு வசதியுள்ள 6 பெட்டிகளும் (அமரும் இருக்கைகள் மட்டுமே இருக்கும்) முன்பதிவு செய்யப்படாத 12 பொதுப் பெட்டிகளும் இணைக்கப்படும்.