காமன்வெல்த் போட்டி ஊழல்: காங்கிரஸ் பதவிலிருந்து சுரேஷ் கல்மாடி நீக்கம்

டெல்லி: காமன்வெல்த் விளையாட்டுப் போட்டிகளில் காண்ட்ராக்ட்களை வழங்குவதில் பெரும் ஊழலில் ஈடுபட்டதாகக் குற்றம் சாட்டப்பட்டுள்ள சுரேஷ் கல்மாடி காங்கிரஸ் கட்சியின் நாடாளுமன்ற செயலாளர் பதவிலிருந்து நீக்கப்பட்டுள்ளார்.

நாடாளுமன்றக் கூட்டத் தொடர் இன்று தொடங்கிய நிலையில், இந்த விவகாரத்தை எதிர்க் கட்சிகள் பெரிய அளவில் கிளப்பவுள்ளன. இந் நிலையில் கல்மாடியை முக்கிய பதவிலிருந்து நீக்கியுள்ளது காங்கிரஸ்.

இந்த காண்ட்ராக்ட் ஊழல்கள் தொடர்பாக பல்வேறு நிறுவனங்களில் வருமான வரித்துறை, அமலாக்கப் பிரிவு ஆகியவை ரெய்ட் நடத்தியது குறிப்பிடத்தக்கது.

அதே போல ஆதர்ஷ் குடியிருப்பு ஊழலில் சிக்கிய மகாராஷ்டிர முதல்வர் அசோக் சவாணையும் காங்கிரஸ் பதவி நீக்கம் செய்துள்ளது.