கடந்த 3 ஆண்டுகளில் பிரதமர் அலுவலக நியூஸ்பேப்பர் பில் ரூ. 34 லட்சம்

டெல்லி: கடந்த 3 ஆண்டுகளில் பிரதமர் அலுவலகம் செய்தித்தாள்களுக்கும், பத்திரிக்கைகளுக்கும் ரூ. 34 லட்சம் செலவிட்டுள்ளது.

இந்த ததவலை மக்களவையின் கேள்வி நேரத்தின்போது நாடாளுமன்ற விவகாரத்துறை இணை அமைச்சர் வி. நாராயணசுவாமி தெரிவித்தார்.

செய்தித்தாள்களுக்கும், பத்திரிக்கைகளுக்கும் செலவிட்ட விவரம் வருமாறு :

- 2009-10-ம் ஆண்டில் வெளியீடுகளுக்கு ரூ. 11,92,910

- 2008-09-ம் ஆண்டில் செய்தித்தாள்களுக்கும், பத்திரிக்கைகளுக்கும் ரூ. 12,09,505. இது தான் கடந்த 3 ஆண்டுகளில் பத்திரிக்கைக்கு செலவிடப்பட்ட அதிக பட்சத் தொகை.

- 2007-08-ம் ஆண்டில் செய்தித்தாள்களுக்கும், பத்திரிக்கைகளுக்கும் ரூ. 10,30,346

பிரதமர் அலுவலகம் 18 ஹிந்தி வெளியீடுகள், 5 உருது, 4 ஹிந்தி, தலா 2 மராத்தி, குஜராத்தி, தலா 1 மலையாளம், தெலுங்கு, பங்களா மொழி செய்தித்தாள்கள், பத்திரிக்கைகள் ஆகியவற்றிற்கு சந்தா கட்டுவதாக அவர் மேலும் தெரிவித்தார்.

தமிழ் செய்தித் தாள் இல்லை!

பிரதமர் அலுவலகத்தில் மலையாளம், குஜராத்தி, இந்தி, மராத்தி, தெலுங்கு, பங்களா ஆகியவை இருக்கும்போது தமிழ் இல்லாதது குறிப்பிடத்தக்கது.