தங்கம் விலை சவரனுக்கு ரூ.136 குறைந்தது!

சென்னை: கடந்த சில தினங்களாக சவரனுக்கு ரூ 500க்கும் மேல் உயர்ந்து அதிரவைத்த தங்கத்தின் விலையில் லேசான சரிவு ஏற்பட்டது.

தங்கம் விலை உயராத நாள் எது? என்று மக்களை சலிப்படையச் செய்துவிட்டது இன்றைய நிலை.

கடந்த சில நாட்களுக்கு முன்பு ஒரு பவுன் தங்கம் ரூ.15 ஆயிரத்தை கடந்து சாதனை படைத்தது. இந்த நிலையில், தற்போது தங்கம் விலை சற்று குறைந்துள்ளது.

நேற்று முன்தினம் ஒரு கிராம் தங்கம் ரூ.1,887-க்கும், ஒரு பவுன் ரூ.15,096-க்கும் விற்பனையானது. தங்கத்தின் இந்த விலையில் நேற்று லேசான மாற்றம் காணப்பட்டது.

ஒரு கிராமிற்கு ரூ.17 விலை குறைந்து, ரூ.1,870-க்கும், பவுன் ரூ.136 குறைந்து, ரூ.14,960-க்கும் விற்பனையானது.