பாமரனையும் நிபுணராக்கும் ஏசிஎஸ்-ன் பிரைஸ்ட் சயின்ஸ் வீடியோ: அறிவியல் பிரியர்களுக்கு நல்ல நண்பன்

வாஷிங்டன்: அமெரிக்கன் கெமிக்கல் சொசைட்டி (ஏசிஎஸ்) அறிவியல் குறித்த ஒரு வீடியோ வரிசையை வெளியிட்டுள்ளது. இது அறிவியல் மீது ஆர்வம் உள்ளவர்களுக்கு பேருதவியாக இருக்கும்.

உலகில் நடக்கும் அறிவியல் கண்டுபிடிப்புகளைப் பற்றி தெரிந்து கொள்ள விரும்புவர்களுக்காக அமெரிக்கன் கெமிக்கல் சொசைட்டி (ஏசிஎஸ்) ஒரு வீடியோ வரிசையை வெளியிட்டுள்ளது.

உலகின் மிகப் பெரிய அறிவியல் சங்கமும், நம்பகமான அறிவியல் தகவல் அளிக்கும் ஆதாரமாக விளங்கும் அமெரிக்கன் கெமிக்கல் சொசைட்டி அறிவியல் பரிசு: ஏசிஎஸ் விருதுகளுக்குப் பின்னால் இருக்கும் அறிவியல் நம் வாழ்வில் எப்படி தாக்கத்தை உண்டாக்குகிறது ? (Prized Science: How the Science Behind ACS Awards Impacts Your Life) என்ற வீடியோ வரிசையை வெளியிட்டுள்ளது.

இதில் அதிநவீன தொழில்நுட்பம், கிராபிக்ஸ், அனிமேஷன் பற்றிய தகவல்கள் உள்ளன. வர்ணனையுடன் இருக்கும் இதை வகுப்பறைகளில் பயன்படுத்தலாம்.

அறிவியல் பற்றி தெரியாதவர்கள் கூட இதைப் பார்த்து நம் வாழ்வில் அறிவியல் ஏற்படுத்தும் தாக்கத்தைப் பற்றி அறிந்து கொள்ளலாம் என்று ஏசிஎஸ் தலைவர் ஜோசப் எஸ். பிரான்சிஸ்கோ தெரிவித்தார்.

இந்த வீடியோக்கள் பிரைஸ்ட் சயின்ஸ் இணையதளம், யூ டியூப், ஐ டியூன்ஸ் மற்றும் டிவிடிகளில் முற்றும் இலவசமாகக் கிடைக்கின்றது.