உலகின் கவர்ச்சிகரமான மனிதராக ரயன் ரேனால்ட்ஸ் தேர்வு

நியூயார்க்: உலகிலேயே மிகவும் கவர்ச்சிகரமான மனிதராக 34 வயதாகும் கனடாவைச் சேர்ந்த நடிகர் ரயன் ரேனால்ட்ஸ் தேர்ந்தெடுக்கப்பட்டுள்ளார்.

பீபிள் பத்திரிக்கை ஆண்டுதோறும் உலகிலேயே கவர்ச்சிகரமான மனிதரைத் தேர்ந்தெடுப்பது வழக்கம். இந்த ஆண்டுக்கான பட்டியலை இன்று வெளியிட்டுள்ளது.

அதில் கனடா நடிகர் ரயன் ரேனால்ட்ஸ் முதலிடம் பிடித்துள்ளார். அவர் அமெரிக்க நடிகை ஸ்கார்லட் ஜொஹன்சனை மணந்தவர் ஆவார்.

பீபிள் பத்திரிக்கையின் முதல் கவர்ச்சிகரமான மனிதராக மெல் கிப்சன் தேர்ந்தெடுக்கப்பட்டு இன்று 25 ஆண்டுகள் நிறைவடைந்தது.

ஜான் எப். கென்னடி ஜூனியர், ஹாரிசன் போர்டு, ரிச்சர்டு கியர் மற்றும் ஜார்ஜ் க்ளூனி ஆகியோர் இந்த பட்டத்தைப் பெற்றவர்களில் குறிப்பிடத்தக்கவர்கள் ஆவர்.

பிராட் பிட் மற்றும் ஜானி டெப் ஆகியோர் இந்த பட்டத்தை 2 முறை பெற்றுள்ளனர்.