For Daily Alerts
Just In
இந்தோனேசியாவில் கடும் நிலநடுக்கம்-பாதிப்பில்லை
ஜகார்தா: இந்தோனேசியாவில் அதிகாலையில் சக்தி வாய்ந்த நிலநடுக்கம் ஏற்பட்டது. இருப்பினும் இதனால் பெரிய அளவிலான பாதிப்பு இல்லை என்று முதல் கட்ட தகவல்கள் தெரிவிக்கின்றன.
இந்தியநேரப்படி இன்று அதிகாலை 1.11 மணிக்கு இந்த நிலநடுக்கம் ஏற்பட்டது. 6 ரிக்டர் அளவிலான இந்த நிலநடுக்கம், கிழக்கு இந்தோனேசியாவின் வடக்கு சுலவேசி மாகாணத்தின் தென் கிழக்கில் உள்ள மெலோங்குனே என்ற பகுதியை மையமாகக் கொண்டு தாக்கியது. கடலுக்கு அடியில் 10கிலோமீட்டர் ஆழத்தில் நிலநடுக்கம் ஏற்பட்டது.
இருப்பினும் அமெரிக்க புவியியல் மையம், நிலநடுக்கத்தின் அளவு 5.8 ரிக்டராக கணித்துள்ளது. மேலும் கடலுக்கு அடியில் 62.8 கிலோமீட்டர் ஆழத்தில் பூகம்பம் ஏற்பட்டதாகவும் அது தெரிவித்துள்ளது.
Comments
Story first published: Sunday, November 28, 2010, 11:27 [IST]