போக்குவரத்து தொழிற்சங்க தேர்தல்-திமுகவின் தொமுச வெற்றி

சென்னை : தமிழக போக்குவரத்துக் கழக தொழிற்சங்க பிரதிநிதியைத் தேர்வு செய்ய நடந்த தேர்தலில் திமுகவின் தொழிலாளர் முன்னேற்ற சங்கம் பெரும் வெற்றி பெற்றுள்ளது.

தொழிலாளர்களின் போனஸ் உள்ளிட்டவை குறித்து நிர்வாகத்துடன் பேசுவதற்கான பிரதிநிதியை தேர்வு செய்ய தேர்தல் நடத்துமாறு சென்னை உயர்நீதிமன்றம் உத்தரவிட்டது. அதன்படி கடந்த 25ம் தேதி தேர்தல் நடந்தது.

இதில் பதிவான வாக்குகள் குரோம்பேட்டையில் உள்ள போக்குவரத்துக் கழக பணிமனையில் எண்ணப்பட்டு வந்தது. இன்று முடிவு அறிவிக்கப்பட்டது.

இதில் தொமுச எனப்படும் தொழிலாளர் முன்னேற்ற சங்கம் 73,450 வாக்குகள் பெற்று வெற்றி பெற்றது.

2வது இடத்தை சிஐடியூ தொழிற்சங்கம் பெற்றது. அந்த அமைப்புக்கு 19,002 வாக்குகள் கிடைத்ன.

தேமுதிக, மதிமுக ஆகியவற்றின் ஆதரவுடன் போட்டியிட்ட அதிமுகவின் அண்ணா தொழிற்சங்க பேரவை 15,765 வாக்குகள் பெற்றது.

தொமுசவுக்கு மொத்தம் பதிவான வாக்குகளில் 57.31 சதவீத வாக்குகள் கிடைத்தன.