டெல்லியில் ரம் விற்பனையில் பெரும் மந்தம்

டெல்லி: டெல்லியில் தற்போது குளிரான சீதோஷ்ணம் நிலவி வரும் போதிலும், அங்கு ரம் விற்பனையில் மந்த நிலை காணப்படுகிறதாம்.

கடந்த ஆண்டு நவம்பர் மாதம் டெல்லியில், 82 ஆயிரத்து 818 கேஸ் ரம் விற்பனையானது. ஆனால் இந்த ஆண்டு இதே காலகட்டத்தில் 78 ஆயிரத்து 920 கேஸ் ரம்தான் விற்பனையாகியுள்ளது. ஒரு கேஸ் என்பது 12 பாட்டில்களைக் கொண்டதாகும்.

இதுகுறித்து டெல்லி மாநில கலால்துறை அதிகாரி ஒருவர் கூறுகையில், நவம்பர் மாதத்தில்தான் வழக்கமாக ரம் விற்பனை அதிகமாக இருக்கும். ஆனால் இந்த ஆண்டு குறைந்துள்ளது.

இருப்பினும் டெல்லியில் நவம்பர் மாதத்திய மது விற்பனை அதிகரித்துள்ளது. அதாவது கடந்த ஆண்டை விட 20 சதவீத உயர்வு காணப்பட்டது. ஆனால் ரம் விற்பனை 5 சதவீதம் குறைந்துள்ளது.

டெல்லியில் மதுக் கடைகள், பார்கள் அதிகரித்துள்ளன.மக்கள் தொகையும் அதிகரித்துள்ளது. இதுவே மது விற்பனை உயர்வுக்குக் காரணம் என்றார்.