3 ஜி சேவையைத் தொடங்கியது ரிலையன்ஸ்!

டெல்லி: ரிலையன்ஸ் கம்யூனிகேஷன்ஸ் நிறுவனம் டெல்லி, மும்பை மற்றும் கொல்கத்தாவில் தனது 3 ஜி சேவையைத் தொடங்கியது.

3 ஜி உரிமம் பெற்ற பிறகு முதல் முறையாக இந்த 3 நகரங்களில்தான் சேவையைத் தொடங்குகிறது ரிலையன்ஸ்.

நாட்டின் 13 வட்டாரங்களில் 3 ஜி உரிமை பெற்றுள்ளது ரிலையன்ஸ். உரிமம் பெறாத மற்ற பகுதிகளில், வேறு நெட்வொர்க்குகளுடன் பேசி ரோமிங் ஒப்பந்தம் செய்துள்ளனர்.

விரைவில் நாட்டின் பிற பகுதிகளிலும் 3 ஜி சேவை தொடங்கப்படும் என அறிவிக்கப்பட்டுள்ளது. சிடிஎம்ஏ தொழில்நுட்பத்தில் 3 ஜி வசதியைப் பெறும் வகையில் ஹேன்ட்செட்டுகளும் அறிமுகப்படுத்தப்பட்டுள்ளன.

ரிலையன்ஸ் 3 ஜி சேவையில் 28Mbps வேகத்தில் தரவிறக்கம் செய்து கொள்ள முடியும் என அந்நிறுவனம் வெளியிட்டுள்ள செய்திக் குறிப்பு தெரிவிக்கிறது.

English summary

Reliance Communications has launched its first 3G services, in Mumbai, Delhi and Kolkata. The mobile operator expects to have 3G coverage in all 13 regional circles where it has licenses by the end of March 2011, and reach an agreement on national 3G roaming sometime in the next year.