சென்னையில் மட்டும் 1 கோடிக்கும் அதிகமான செல்போன் சந்தாதாரர்கள்!!

சென்னை: சென்னை மாநாகரில் மட்டும் செல்போன் பயன்படுத்துவோர் எண்ணிக்கை 1 கோடிக்கும் அதிகமாக உயர்ந்துள்ளது.

இந்தியாவில் செல்போன், இண்டர் நெட் பயன்படுத்துவோர் எண்ணிக்கை நாளுக்கு நாள் அதிகரித்து வருகிறது.

சென்னை நகரில் மட்டும் செல்போன் பயன்படுத்து வோர் எண்ணிக்கை ஒரு கோடியைத் தாண்டிவிட்டது. தற்போது செல்போன்களிலும் இண்டர்நெட் இணைப்பு வழங்கப்படுகிறது. சென்னையில் மட்டும் 4 லட்சம் பேர் செல்போனில் இண்டர்நெட் பார்ப்பதாக புள்ளி விவரங்கள் தெரிவிக்கின்றன.

2 லட்சம் மாணவ- மாணவிகள் சென்னை நகரில் உயர்நிலைப்பள்ளிகளில் படிக்கிறார்கள். இதில் 20 சதவீதம் பேர் செல்போன் மூலம் இண்டர்நெட் பயன்படுத்துவது தெரிய வந்துள்ளது.

இதுதவிர கம்ப்யூட்டர் மையங்கள், வீடுகளில் உள்ள இண்டர்நெட் இணைப்புகள் மூலமும் மாணவ- மாணவிகள் இண்டர்நெட் பார்க்கிறார்கள். சென்னையில் மட்டும் 80 ஆயிரத்துக்கும் அதிகமான மாணவ- மாணவிகள் இண்டர் நெட்டை பயன்படுத்தி பாடங்களில் ஏற்படும் சந்தேகங்களைப் போக்கிக் கொள்கிறார்கள். இதுதவிர பாடங்களை பதிவு செய்தல், பொழுதுபோக்கு அம்சங்கள், வீடியோகேம் விளையாடவும் இன்டர்நெட் பெரிதும் பயன்படுகிறது.

இன்றைய சூழலில் பொழுதுபோக்குத் துறையில், இன்டர்நெட் என்பது ஒரு மாற்று பொழுதுபோக்காகவே மாறிவிட்டது.

13 முதல் 17 வயது வரை உள்ளவர்கள் வயது வந்தோர் மட்டும் பார்க்க கூடிய சைட்களை பயன்படுத்தி செக்ஸ் தளங்களைப் பார்க்கிறார்கள் என்பதும் ஆய்வில் தெரியவந்துள்ளது. நிறையப் பேர் புதிய படங்களை இந்த இணையங்களில்தான் டவுன்லோடு செய்து பார்க்கிறார்கள். சமீபத்தில் வெளியான ரஜினியின் எந்திரன் படத்துக்கு திருட்டு விசிடியை விட, இந்த இணையவழி ஒளிபரப்புதான் பெரும் சவாலாக அமைந்தது.

செல்போனில் இண்டர் நெட் பயன்படுத்துகிறவர்கள் வரிசையில் டெல்லி முதல் இடத்தில் உள்ளது. அங்கு 10 சதவீதம் பேர் பயன்படுத்துகிறார்கள். மும்பையில் 6.4 சதவீதம் பேர் செல்போனில் இண்டர்நெட் பார்க்கிறார்கள்.

சென்னைக்கு இதில் 3-வது இடம் கிடைத்துள்ளது. இங்கு செல்போன் வைத்திருப்பவர்களில் 4 சதவீதம் பேர் செல்போன் இண்டர்நெட் வசதியை பயன்படுத்தி வருகிறார்கள். 20 சதவீதம் பேர் ஆன்லைன் வர்த்தகம் செய்கிறார்கள். இதுதவிர செல்போனில் எப்.எம்., மெமரி கார்டில் பதிவு செய்த பாடல்கள் கேட்போர் எண்ணிக்கையும் பலமடங்கு அதிகரித்துள்ளது.

செல்போன் இணைப்புகளைப் பொறுத்தவரை பிஎஸ்என்எல் கடந்த அக்டோபரில் மட்டும் 2.5 மில்லியன் இணைப்புகளைத் தந்துள்ளது. நகர அளவில் அதிக பிஎஸ்என்எல் இணைப்புகள் பெற்றிருப்பது சென்னைதான் என்பது முக்கியமானது.

English summary

Chennai has joined the elite club of cities in the country with more than one crore mobile users. Chennai is only the third city in the country to accomplish the amazing feat after National Capital Delhi and Business Capital of the country Mumbai.