வாஜ்பாயியின் 87வது பிறந்த நாள்-உ.பியில் பாஜக தலைவர்கள் கொண்டாட்டம்

லக்னோ: முன்னாள் பிரதமர் வாஜ்பாயியின் 87வது பிறந்த நாளையொட்டி உ.பியில் நடைபெறும் கொண்டாட்ட நிகழ்ச்சிகளில் மூத்த பாஜக தலைவர்கள் பங்கேற்கவுள்ளனர்.

டிசம்பர் 25ம் தேதி கிறிஸ்துமஸ் தினத்தன்று வாஜ்பாயியின் பிறந்த நாள் வருகிறது. இதையொட்டி பாஜகவினர் வருகிற 25ம் தேதி வாஜ்பாயியின் பிறந்த நாளை சிறப்பாக கொண்டாட ஆயத்தமாகி வருகின்றனர்.

வருகிற 25ம் தேதி வாஜ்பாயியின் 87வது பிறந்த நாளை உ.பியில் விமரிசையாக கொண்டாடவுள்ளது பாஜக. இதில் முக்கிய பாஜக தலைவர்களும் பங்கேற்கவுள்ளனர்.

கட்சியின் மூத்த தலைவர் முரளி மனோகர் ஜோஷி, காசியில் நடைபெறும் நிகழ்ச்சியில் பங்கேற்கிறார். ராஜ்யசபா எதிர்க்கட்சித் தலைவர் அருண் ஜேட்லி மீரட்டில் நடைபெறும் நிகழ்ச்சியில் பங்கேற்கிறார்.

பாஜக தேசிய துணைத் தலைவர் கல்ராஜ் மிஸ்ரா, மாநில தலைவர் சூரிய பிரதாப் சாஹி ஆகியோர் நோய்டா மற்றும் மொராதாபாத்தில் நடைபெறும் நிகழ்ச்சிகளில் பங்கேற்கவுள்ளனர்.

English summary

BJP will celebrate the 87th birthday of its patriarch and former prime minister Atal Bihari Vajpayee in various parts of Uttar Pradesh on December 25, party sources said here today. Senior party leaders will take part in the veteran leader"s birthday celebrations amidst fanfare in the state, they said.