ஜார்கண்டில் டயர் வாங்கினால் வெங்காயம் இலவசம்!!!
ஜம்ஷெட்பூர்: ஜார்கண்ட் மாநிலம் ஜம்ஷெட்பூரில் டயர் வாங்கினால் வெங்காயம் இலவசம் என்று ஒரு கடை உரிமையாளர் விளம்பரப் பலகை வைத்துள்ளார்.
வெங்காய விலை கடுமையாக உயர்ந்து மக்களை கண்ணீர் சிந்த வைத்துள்ளது. ஒரு கிலோ வெங்காயம் ரூ. 70 க்கு விற்பனையாகிறது. இந்த விலையேற்றத்தை ஒரு டயர் வியாபாரி தனக்கு சாதகமாக பயன்படுத்தியுள்ளார். டயர் வாங்கினால் வெங்காயம் இலவசம் என்று விளம்பரம் செய்துள்ளார்.
இது குறித்து டயர் வியாபாரி சத்னம் சிங் கம்பீர் கூறியாதவது,
ஒரு டிரக் டயர் வாங்கினால் 5 கிலோ வெங்காயம் இலவசம். மேலும், ஒரு கார் டயர் வாங்கினால் ஒரு கிலோ வெங்காயம் இலவசமாகத் தருகிறோம் என்றார்.
கம்பீர் பீகார் மற்றும் ஜார்கண்ட் மாநில அனைத்து இந்திய சீக்கிய மாணவர் பேரவையின் தலைவராக இருக்கிறார்.
ஜார்கண்டில் தேர்தல் நடந்தபோது மக்களை ஓட்டுபோட ஊக்குவிக்கும் வகையில் ஓட்டு போட்டால் டயர் வாங்கும்போது தள்ளுபடி அளித்துள்ளார் என்பது குறிப்பிடத்தக்கது.
Click it and Unblock the Notifications
Sign in with Google