மகாராஷ்டிராவின் நக்சலைட் கோட்டையான கட்சிராலிக்கு ப.சிதம்பரம் விஜயம்

நாக்பூர்: மகாராஷ்டிர மாநிலத்தில் நக்சலைட்கள் ஆதிக்க்கம் அதிகம் உள்ள கட்சிராலி பகுதிக்கு இன்று உள்துறை அமைச்சர் ப.சிதம்பரம் விஜயம் செய்தார்.

ப.சிதம்பரத்தின் வருகையை எதிர்த்து இன்று தனோரா பகுதியில் ஒரு கிராமப் பஞ்சாயத்துக் கட்டடத்தைத் தாக்கி அதற்குத் தீ வைத்தனர் நக்சலைட்கள்.

மேலும் கட்சிராலி-ராய்ப்பூர் நெடுஞ்சாலையில், கோல்பத்தி என்ற இடத்தில் சாலையில் மரங்களை வெட்டிப் போட்டு போக்குவரத்தையும் அவர்கள் தடுத்தனர். இதனால் சில மணி நேரங்களுக்குப் போக்குவரத்து பாதிக்கப்பட்டது. ப.சிதம்பரம் வருகையைத் தொடர்நது அங்கு பலத்த பாதுகாப்புக்கு மாநில அரசு ஏற்பாடு செய்திருந்தது.

ஏற்கனவே மேற்கு வங்கம், ஆந்திரா, சட்டிஸக்ர் உள்ளிட்ட மாநிலங்களில் நக்சலைட் பாதித்த பகுதிகளைப் பார்வையிட்டுள்ளார் ப.சிதம்பரம் என்பது குறிப்பிடத்தக்கது.

English summary

Citing the increased menace of Naxals and Maoists all around the country, Union Home Minister P Chidambaram once again stepped up to control the situation in the nation. Chidambaram on Tuesday, Dec 28 visited Maharashtra"s Naxal-hit area Gadchiroli. But the rebels continued their protest against the government. Ahead of Home Mnister"s visit at the area, Naxals set afire a gram panchayat building in Dhanora tehsil of the district on Dec 28.