ஜனவரி 2ல் பாமக சிறப்பு பொதுக்குழுக் கூட்டம்

சென்னை: பாமக சிறப்பு பொதுக் குழுக் கூட்டம் வரும் ஜனவரி 2ம் தேதி நடக்கிறது.

இது குறித்து அக்கட்சியின் தலைவர் ஜி.கே. மணி வெளியிட்டுள்ள அறிக்கையில், கட்சியின் நிறுவனர் டாக்டர் ராமதாஸ் முன்னிலையில் தைலாபுரத்தில் இந்தப் பொதுக் குழுக் கூட்டம் நடைபெறும்.

2010ம் ஆண்டில் கட்சியின் செயல்பாடுகள் குறித்து கூட்டத்தில் ஆய்வு செய்யப்படும். 2011ம் ஆண்டுக்கான கட்சியின் செயல் திட்டங்கள் குறித்தும் விரிவாக விவாதிக்கப்படும்.

கட்சியின் இளைஞர் அணித் தலைவர் டாக்டர் அன்புமணி உள்ளிட்டோர் கூட்டத்தில் உரையாற்றுவர் என்று கூறப்பட்டுள்ளது.