புத்தாண்டு... இலவச எஸ்எம்எஸ் 'கட்' - பிஎஸ்என்எல்

சென்னை: புத்தாண்டுக்கு அனுப்பப்படும் இலவச எஸ்எம்எஸ்களுக்கு தடை விதித்துள்ளது பிஎஸ்என்எல்.

வழக்கமாக புத்தாண்டு, பொங்கல் தீபாவளி என விழாக் காலங்களில் இலவச எஸ்எம்எஸ் ஆஃபர்களை பிஎஸ்என்எல் வழங்குவது வழக்கம்.

ஆனால் இந்த முறை, புத்தாண்டையொட்டி டாக் டைமில் முழு சலுகை அளித்துள்ள பிஎஸ்என்எல், இலவச எஸ்எம்எஸ்களுக்கு மட்டும் தடை விதித்துள்ளது.

ஒரு எஸ்எம்எஸ்ஸுக்கு ஆகும் அளவு 1 kb அளவுக்குக் கூட இல்லை. இதற்கான செலவு 1 பைசாதான். ஆனால் செல்போன் நிறுவனங்களோ எஸ்டிடி எஸ்எம்எஸ்ஸுக்கு கட்டணமாக ரூ 2 வரை வசூலிக்கின்றன. லோக்கல் எஸ்எம்எஸ்களுக்கு 49 பைசா முதல் 60 பைசா வரை வசூலிக்கின்றன.

அழைப்புக் கட்டணமாக நொடிக்கு ஒரு பைசா வாங்கும் செல்போன் நிறுவனங்கள், எஸ்எம்எஸ்களுக்கு மட்டும் அதைவிட அதிகமாக கட்டணம் வசூலிப்பது குறிப்பிடத்தக்கது.

English summary

The state owned cellphone service provider BSNL says no to free sms plan for New Year 2010. But extended the full talk time offer to its customer all over India.